بسم اللہ الرحمن الرحیم
ملکے خورد ایک تاریخی اور خوشحال گاؤں ہے، جس کی بنیاد صدیوں پہلے رکھی گئی۔ روایت کے مطابق اعوان قبیلے سے تعلق رکھنے والے تین ملک بھائی اپنے خاندان کے ساتھ اس خطے میں آباد ہوئے۔ وقت کے ساتھ ہر بھائی کو زمینوں کی وراثت میں حصہ ملا، اور یوں تین الگ بستیوں کی بنیاد پڑی۔
ان میں سے ملک خلیل کی اولاد نے ملکے خورد کی زمین کو آباد کیا۔ سب سے بڑے بھائی کی نسل ملکے کلاں میں آباد ہوئی، جبکہ ملک سلیم کی اولاد نے سلیم پور کو اپنا مسکن بنایا۔
آج بھی ملکے خورد ملک خلیل کی اولاد کا مسکن ہے، جو اپنی محنت اور ذہانت کے سبب معاشرے میں ممتاز مقام رکھتی ہے۔ وقت کے ساتھ دوسرے علاقوں سے آ کر آباد ہونے والے خاندان بھی اس گاؤں کا قیمتی اثاثہ اور اٹوٹ انگ ہیں۔ یہ گاؤں نہ صرف اپنی زرخیز زمینوں اور محنتی باشندوں بلکہ اپنی منظم اور پرامن برادری کی وجہ سے بھی پہچانا جاتا ہے۔